Dar

Sastrutne phakha barŏn anθ-o devel
kana xurăn opral le kale kurunga
i phuv maxrime kòrkorri sovel
marel anθ-i dud kale karfină

na daravas te azbalas man e strafinale vasta le kalipnasqe
na daravas nić le daravde veśesθar
nić le maj tate khamesθar
daravas te na maj aves tu
daravas te na maj phenes manqe: kamav tu'!
daravas te naśes manθar anθ-o sundal
daravas te bistares mirro anav...